عطا شمعة

يداعبها شعاع الضي

يلامس رمشها والفي

تظهر شيّ

وتخفي شيّ

وبرق عيونها ثابت

* * * * * * *

حِلوه . . قابلت شمعه

عجبها نورها الخافت

تناظرها ...وتمنيها ..

تسامرها.... وتسليها

وبعض الشيّ تعطيها

تلامسها أناملها

تحاصرها..

يتعبها ظلام الليل

يخنقها الهوى بالحيل

يقضي عمرها تنزف ..

تتحول إلى قطرات

شيّ مؤسف

تخدشها رحا البصمات

تواعدها وهي تخلف

تحرق نفسها الشمعة

ما أقساه هالموقف

* * * * * *


تذوب بحبها الشمعة

وهي تعرف ..

لكن ليه تتجاهل ؟

أكيد الشمعة تستاهل

يمكن .. قربها يحرق ؟

يمكن .. دمعها يغْرِقْ ؟

يمكن ..

نورها الهادي

في لحظة وفا ينطق ؟

* * * * *
يمكن لو يجيها النور

وميعاد الهوى يصدق

تقوم الحلوة تطفيها

تضم إيديه بيديها

تخليها ......؟

وتسافر مع الأحلام

تخليها ...

يجمد دمعها فيها

يحضنها يقويها

يشجعها لعطا ثاني

يتركها بسلام تنام
..................